July 17th, 2009

Об основании Ландскроны

Фрагмент Новгородской летописи (цитируется с http://www.krotov.info/acts/12/pvl/novg08.htm ):
""В лѣто 6808 [1300]. ...
Того же лѣта придоша изъ замория Свѣи в силѣ велицѣ в Неву, приведоша изъ своеи земли мастеры, из великого Рима от папы мастеръ приведоша нарочитъ, поставиша городъ надъ Невою, на усть Охты рѣкы, и /л.153./ утвердиша твердостию несказаньною, поставиша в немь порокы, похвалившеся оканьнии, нарекоша его Вѣнець земли: бѣ бо с ними намѣстникъ королевъ, именемь Маскалка; и посадивше в немь мужи нарочитыи с вое. водою Стѣнемъ и отъидоша; князю великому тогда не будущю в Новѣгородѣ.
В лѣто 6809 [1301]. Приде князь великыи Андрѣи с полкы низовьскыми, и иде с новгородци къ городу тому, и приступиша к городу, мѣсяца мая 18, на память святого Патрикия, въ пяток пред Сшествием святого духа, и потягнуша крѣпко; силою святыя Софья и помощью святою Бориса и Глѣба твердость та ни во чтоже бысть, за высокоумье ихъ; зане всуе трудъ ихъ безъ божия повелѣния: град взят бысть, овыхъ избиша и исѣкоша, /л.153об./ а иныхъ извязавше поведоша с города, а град запалиша и розгребоша. А покои, господи, въ царствии своем душа тѣхъ, иже у города того головы своя положиша за святую Софью.""
promo ingria_art september 26, 2018 22:30 Leave a comment
Buy for 10 tokens
В продолжение https://ingria-art.livejournal.com/704477.html , https://voda-78-ru.livejournal.com/135061.html , https://ingria-art.livejournal.com/706055.html , https://matholimp.livejournal.com/1673419.html , https://matholimp.livejournal.com/1671468.html ,…